चश्माको स्यहार गर्ने दस तरिका

This article appeared in Swasthyakhabar on shrawan 17, 2073 BS. 

चश्मा दृष्‍टि दोष भएका मानिस् हरुका लागि संसार चियाउन दिने ऐना हो । चश्मा लगाउने त गरिन्छ तर यथोचित हेरचाहको अभावमा चाडै नै चश्मा बिग्रिने, कोरिने, फुट्ने हुन्छ र अनावश्यक रुपमा चश्मा कम्पनी, चश्मा पसले वा हस्पिटललाई नक्कली चश्मा भिडाएको भनेर आरोप पनि लगाइने गरेको पाईन्छ । हुनत चश्माहरु सबै सक्कली नै हुन्छन भन्न खोजेको हैन तर राम्रो हेरचाह गरेमा पक्कै एउटा चश्माको कार्यकाल बढाउन सकिन्छ । यहाँ यिनै केही बिधीहरुको बारेमा चर्चा गरिन्छ ।

1.       हेल्चेक्र्याइसँग चस्मा फुकाल्दा एउटा हातले एकातिरबाट मात्र फुकाल्नु हुँदैन । एस्ले चस्माको अगाडिको मुख्य भाग (फ्रेम) र खुट्टा (टेम्पल) जोड्ने मिलनबिन्दुमा एक्तर्फी दबाब पर्ने हुनाले चाडै भांचिने वा स्प्रिङ्ग खुस्किने हुन्छ । साथै चस्मा लगाउदा पनि सधैं दुबै हातले सन्तुलित बलको प्रयोग गरी लगाउने बानी बसाल्नु पर्छ । 

2.       स्टाइल पार्न पावरको चस्मा निधारमाथि वा कपालमा नराखौ । यस्ले फ्रेम खुकुलो बनाउछ र साबिकझै लगाउदा खस्ने डर हुन्छ ।

3.       शिशाको लेन्स छ भने साना तिना ठक्करले पनि लेन्स चर्किन सक्ने भएकोले सक्भर लगाइराख्ने र खोल्दा बिशेष जतन गर्ने गरौ ।

4.       चश्मा निकालेर टेबल वा साह्रो सतहमा राख्दा लेन्स तिर हैन टेम्पलले टेबलमा छुने गरी राखौ । लेन्स तिर फर्काएर राख्दा लेन्स घोटिन्छ र लगाउदा धमिलो देखिन्छ ।

5.       लामो समयसम्म चश्मा खोल्नु परेमा चश्माको खोल वा बट्टामा राख्ने गरौ ।

6.       थ्री पिस चस्मा छ भने समय समयमा फ्रेम खुकुलो भै रहन सक्छ तेसैले चस्मा किन्दा एस्को पेच कस्ने स्क्रियु ड्राइवर पनि संगै लिने गरौ ।

7.       चश्मा सफा गर्दा चश्मा पुछ्न प्रयोग गरिने माइक्रोफाइबर रुमाल प्रयोग गरौ नत्र अन्य खस्र कपडाले पुछ्दा राम्रो सफा नहुने, वा चश्मा कोरिने हुन सक्छ ।

8.       चश्मा सफा गर्न नरम साबुन वा हल्का तातो पानी प्रयोग गर्न सकिन्छ । लेन्स क्लिनर भन्ने केमिकल प्रयोग गरे झनै राम्रो ।

9.   नोज प्याड सफा गर्दा नरम बुरुस प्रयोग गर्न सकिन्छ । चश्मा सफा गर्ने अल्ट्रा सोनिक तरङगको उपयोग गर्ने मेसिनले सफा गर्‍यो भने भौतिक बल प्रयोग नगरिकनै केही मिनेटमा सबै फोहोर चस्मा बाट छुट्टिन्छ ।  यस्ले चश्माको सुरुवाती चमक फर्काउछ ।

10. प्राय लेन्स वा फ्रेमहरु असी डिग्री फरेन्हाइट भन्दा बढीको तापक्रमले बिग्रिने हुन्छ (आकार बिग्रिने, लुज हुने, रङ खुइलिने वा कोटिङ खुइलिने ),  तसर्थ उच्च ताप्मान वा तापक्रम तल माथि भैरहने ठाउँबाट सक्भर चश्मा लाई जोगाउ ।