होटलको नसिधिएको साबुन के गरिन्छ?

 तपाईं कतै जाँदा पक्कै पनि धेरैपटक होटलमा बास बस्नु भएको छ । होटल वालाले हस्पिटालिटी देखाउन प्रत्येक रुममा कम्तिमा एउटा सबुन र 'क्रिस्पी' टावेल राखिदिएको हुन्छ । एक रात तपाईं उक्त होटलमा बस्नु भयो भने एकपटक वा दुईपपटक नुहाउनु हुन्छ । त्यो साबुन पुरै सिधिएको हुँदैन । प्राय ती साबुन तेही साबुन राख्ने स्टिलको तखतमा उत्तिकै राखिदिएर हामी हिँड्छौ । वास्तवमा हामीलाई ख्याल पनि हुँदैन त्यो । तर कहिल्यै हामीले सोचेका छौं त? ती साबुन कहाँ जान्छ? वा तीनलाई के गरिन्छ? 

पक्कै पनि नयाँ क्लाइन्टलाई प्रयोग गरिएको साबुन दिइँदैन । बट्टा नखोलिएको नयाँ नै दिइन्छ । अझ कतिपय होटलले खेर जाने भएर निकै सानो साइजका साबुन राखिदिएका हुन्छन् । जतिसुकै सानो भएनी त्यो पुरै खपत हुँदैन । बाँकी त रहन्छ नै ।

ती साबुनहरु आखिर फ्याँकिन्छ । होटलका फोहोर ब्यागेजमा नगरपालिकाको गाडीमा तीनीहरु डिस्पोज् हुन्छन् । ती ट्रकहरुले फोहोरको रास संगै पुरै प्रयोग नभएका साबुन र स्याम्पुका बोटलहरु ल्यान्डफिल साइटमा लगेर खन्याउछन् । 

यहाँ आएर यस्ले केक्केन भन्ला भनेको "फ्याँक्छन" पो भनेर हिस्सै पारिदियो भन्ठन्नुहोला । एक्छिन आघे पढ्नुहोस् ........

आंकलन् गर्ने नै हो भने कम्जोर स्वास्थ्यका कारण गरीब मुलुकका हजारौ बाल्बालिका बर्षेनी मर्दछन् । मात्र साबुन पानीले हात, मुख धोयो वा जिउ नुहायो भने ती अकालमा मार्ने बालबालिकाहरुलाई जोगाउन सकिन्छ । विश्व स्वास्थ्य संगठन पनि यस्तै भन्छ । एकातर्फ आंशिक प्रयोग भएका साबुन फोहोरका डंगुरमा फ्याँकिन्छ भने अर्कातर्फ साबुन नपाएका कारणले अनाहकमा मान्छे जिउने अधिकारबाटै बञ्चित भैरहेका छन् ।

हो, क्लिन द वर्ल्ड भन्ने संस्थाले होटलहरुसँग सहकार्य गरेर त्यस्ता साबुनहरु संकलन गर्दछ र रिसाइकल गरेर फेरी नयाँ साबुन बनाउदछ । तेस्रो मुलुकमा रहेका गरीब बस्ती र झुपडीहरुमा स्थानिय संस्थाहरुको सहयोगमा ती साबुनहरु बितरण गरिन्छ । होटलको सरसफाईमा संलग्न कर्मचारीहरुलाई आवश्यक ट्रेनिङ पनि यो संस्थाले दिन्छ ।

यो सबै गर्न खर्च कहाँबाट आउछ त? 

यसका लागि पाट्नर होटलले प्रतिमहिना एक कोठाको ५० सेन्ट रकम क्लिन द वर्ल्डलाई तिर्नु पर्दछ । बाँकी सबै काम यही संस्थाले गर्दछ । यस्को मुख्य कार्यालय अमेरिकाको ओर्लन्डोमा छ भने अपेरेसन केन्द्रहरु ओर्लन्डो, लस भेगस, मन्ट्रियल, इन्डिया तथा हङ्कङमा छ । अझ बिस्तारित् रुपमा अन्य मुलुकसम्म पुग्ने लक्ष्य रहेको कुरा कम्पनिका संस्थापक सन सिप्लर बताउदछन् । क्लिन द वर्ल्डले आजसम्ममा चार करोडभन्दा बढी साबुन बितरण गरिसकेको छ ।

भएन त काईदा? 

नेपालमा यो कमपनीले चेन खोल्न प्रारम्भिक गृहकार्य सुरु गरिसकेको छ । तपाई पनि होटल सञ्चालन गर्नुहुन्छ भने हुने हैन त क्लीन द वल्र्डसँग आबद्ध?