Skip to main content

विश्वकप अन्तिम १६ मा को को? कस्ले जित्ला ?

फ्रान्स र अर्जेन्टिना


३० जुनमा (१६ गते शनिबार ) यी दुई देश काजन एरिनामा भिड्दै छन् । खेल सुरु बेलुका ७:४५ मा हुनेछ ।



फ्रान्सले सुरुवाती खेलमा अस्ट्रेलियालाई पल पोग्बाको गोलमा हरायो र दोस्रो खेलमा पेरुलाई हरायो । तेस्रो खेल डेन्मार्कसँग बराबरी गरेपछी समुह चरणबाट अन्तिम १६ मा पुग्यो । त्यस्तै अर्जेन्टिनाको पनि फितलो खेलका बाबजुद यो चरणमा पुगेको हो । पहिलो खेल अाइसल्यान्ड सँग बराबर, दोस्रो खेल क्रोएसियासँग तीन गोलले पराजय र अन्तिम खेल नाइजेरियालाई दुई एकले बिजयी भएर अर्जेन्टिनाले खुट्किलो चढेको हो ।


कस्ले जित्ला?

सबैको उत्तर त्यही हो मेस्सी फर्ममा आयो भने कसैले सक्दैन। अहिलेसम्म यि दुई देश ११ पटक भिडिसकेका छन र ६ पटक अर्जेन्टिनाले जितेको छ भने फ्रान्स ले २ चोटि जितेको छ । 

उरुग्वे र पोर्चुगल


१६ गते शनिबार राती ११:४५ मा यि दुई देश बिच प्रतिश्पर्धा हुँदै छ सोचिको फिस्ट रङ्गशालामा ।

उरुग्वेसँग शान्दार तथ्याङ्क छ: तीन गेम, शुन्य गोल खाइ तीन जित । यसले इजिप्ट र साउदी अरेबियालाई १-० ले र रसियालाई ३-० ले जितेको हो । समुह चरणमा दोस्रो स्थान प्राप्त पोर्चुगलले भने दुई खेल बराबरी (स्पेनसँग ३-३ र ईरानसँग १-१) र एक खेल मोरोक्को सँग १-० ले बिजयी हुँदै नक आउट चरणमा पुगेको हो ।


कस्ले जित्ला?

यि दुई देश दुई पटक भिडेका छन् । १९६६ मा पोर्चुगलले जितेको थियो भने ६ बर्ष पछिको खेल बराबरी भएको थियो । सुपरस्टार रोनाल्डो र उरुग्वेको कडा डिफेन्स बिच यो खेल अत्यन्तै रोमन्चक हुनेछ । उरुग्वेको उत्कृष्ट टिमलाई कसैले नकार्न सक्दैन तथापी क्रिचियानो रोनाल्डोको एकल चमत्कारमा हामी अझै आश्वत रहन सक्छौ ।


स्पेन र रसिया


१७ गते आईतवार ७:४५ मा मस्कोको लिज्निकी रङ्गशालामा यि दुई बिच खेल हुँदै छ । यो पाली अरु फुट्बल जाइन्ट जस्तै स्पेनको राम्रो खेल देखिएको छैन । गोलकिपर माथि प्रश्न चिन्ह छ, डिफेन्स फितलो छ र गोलको मुभ कस्ले सुरुगर्ने भन्नेमा कन्फ्युजन छ । स्पेनले ईरानलाई १ गोलले हरायो भने पोर्चुगल र मोरोक्कोलाई ड्र गर्‍यो । आयोजक रसियाले दुई खेल क्रमश: साउदी अरेबिया र इजिप्टसँग जितेको छ, अन्तिम खेल ३-० ले उरुग्वेसँग हारेको हो ।


कस्ले जित्ला?

अहिले सम्म ६ पटक को खेलमा रसियाले स्पेनलाई कहिले पनि हराउन सकेको छैन । स्पेनको खेल सोचेजस्तो मज्बुत त लाग्दैन तर पनि होम ग्राउण्डको कन्फिडेन्सले रसियालाई पुग्दैन, उस्ले स्पेनसँग हार्नै पर्छ ।


क्रोएसिया र डेन्मार्क


१७ गते ११:४५ मा यि दुई देश बिच खेल हुँदै छ निभ्नी नोभ्गोरोड रङ्गशालामा ।

क्रोएसियाले क्रमश: तीन खेल तीन जित हात पारेको छ: नाइजेरिया, अर्जेन्टिना र अाइसल्यान्डसँग । डेन्मार्कले पेरु लाई १-० ले जित्यो भने अस्ट्रेलिया र फ्रान्सलाई ड्र गर्‍यो ।


कस्ले जित्ला?

२००४ मा पनि यि दुई देश भिडेका हुन र क्रोएसियाले डेन्मार्कलाई २-१ ले पराजित गरेको थियो । यो चरणमा दुइबै टिमले दुई दुई पटक जितेको ईतिहास छ भने एक पटक ड्र पनि भएको छ । अनुमानमा क्रोएसियाले जित्नु पर्ने हो । 

ब्राजिल र मेक्सिको

खेल हुँदै छ असार १८ गते सोमबार मस्कोको स्पार्टक रङ्गशालामा बेलुका ७: ४५ मा ।  
दुई खेल जितेर (कोस्टारिका २-० र सर्बिया २-०) एक खेल बराबरी (स्विजर्ल्यान्ड १-१ ) गर्दै सुपर सिक्स्टिनमा पुग्न सफल ब्राजिलको खेल उत्कृष्ट भने रहेन । मेक्सिकोले समुह चरणमा जर्मन र दक्षिण कोरियालाई एक एक गोलको अन्तरले हरायो तर यस्लाई अन्तिम खेलमा स्विडेनसँग लज्जास्पद ३-० को हार बेहोर्नुपर्‍यो ।  

कस्ले जित्ला
निश्चय नै ब्राजिल फुटबल जाइन्ट हो र योसँग पाच पटक विश्वकप जितेको गरिमामय ईतिहास छ । तर ईतिहासले मात्र काम गर्दैन । यी दुई राष्ट्र बिच भएको ४० खेलमा अहिलेसम्म ब्राजिलले २३ खेल जितेको छ र ७ खेल बराबरी गरेको छ ।
बुकिज रिभ्यु अनुसार ब्राजिलले जित्ने अड्स अनुपातको सम्भावना केबल १०/१७ छ भने मेक्सिकोले जित्ने सम्भावना १३/२ छ । बराबरी हुन सक्ने अड्स अनुपात १३/४ रहेको छ । 

बेल्जियम र जापान

यी दुई राष्ट्र बिच खेल हुँदै छ आगामी मङ्गलबार राती ११:४५ बजे रोस्टोबन रङ्गशालामा । 
बेल्जियमले स्वत: तीन खेल जितेको छ । यसले पानामालाई ३-० ले, ट्युनिसियालाई ५-२ ले र इङ्ल्यान्डलाई १-० ले पराजय गरेको हो । स्ट्राइकर रोमेलु लुकाकुले पहिलो दुई खेलमा ४ गोल गरेर सुनौलो जुत्ताको पोर्चुगलका क्रिचियानो रोनाल्डोसँगै दोस्रो दाबेदारको रुपमा आफुलाई उभ्याउन सफल भएका छन् । बेल्जियमका अरु मुख्य खेलाडीहरु इडेन हाजाड र केभिन ब्रुइन निकै फर्ममा छन् । जापानसँग समुह चराण पार गरिरहदा तिनै किसिमको अनुभव छ । एक खेल जित्यो (कोलम्बियासँग २-१ ले), एक खेल बराबरी (सेनेगल सँग २-२) र एक खेल हार्यो (पोल्यान्डसँग ०-१) । सेनेगलसँग यती धेरै प्रतिस्पर्धा भयो कि सबै स्ट्याट बराबरी भएकोले एलो कार्ड सेनेगल भन्दा कम खाएकाले मात्र समुह चरणबाट चयन् भएको हो ।  मतलब अनुशासित हुनुले उनिहरुलाई निकै फाईदा पुर्यायो ।

कस्ले जित्ला
जापानसँग अहिलेसम्म खेलेको ५ खेलमा बेल्जियमले एक पटक मात्र जितेको छ । अन्तिम खेलमा बेल्जियमले जितेको हो । पछिल्लो समयमा बेल्जियमको स्ट्याटस यती सुध्रिएको छ कि जापानसँग खेलेको मैत्रिपूर्ण खेलमा लुकाकुको एक गोलले जितेपछी लगातार अन्य २२ वटा (अन्य मुलुकसँग) खेलेको खेलहरुमा बेल्जियम कहिल्यै हारेको छैन ।   

स्विडेन र स्विजर्ल्यान्ड

खेल हुँदैछ असार १९ गते मङ्गलबार राती ७:४५ बजे सेन्ट पिटस्बर्गमा
स्विडेनले साउथ कोरिया र मेक्सिकोलाई हरायो र जर्मनीसँग भने १-२ ले हार्यो । स्विजर्ल्यान्ड भने एक खेलको बिजय (सर्बिया २-१) र दुई खेलको बराबरीले यहाँसम्म अाइपुग्यो । 

कस्ले जित्ला?
स्विजर्ल्यान्डले विश्वकप छनौट चरणदेखिका २० खेलमा एक खेल पर्चुगलसँग हार्यो अन्य कुनै गेम हारेको छैन । अन्तिम सोह्रको खेलहरु मध्य यो कम आकर्षणको खेल मानिन्छ तथापी ९० मिनेटसम्म खेल नटुङ्गिएर अन्त्यमा स्विडेनले जित्ने सम्भावना बढी छ ।

 

कोलम्बिया र इङ्ल्यान्ड 

खेल हुँदैछ असार १९ गते मङ्गलबार राती ११:४५ बजे मस्कोमा ।  
पहिलो खेलमा कोलम्बिया जापानसँग १-२ ले पराजित भयो भने दोस्रो र तेस्रो खेल पोल्यान्ड र सेनेगलसँग क्रमश:३-० र १-० ले बिजयी भएको थियो । असार १४ गते बिहीवार बेल्जियमसँग १-० को पराजय भोगेको इङ्ल्यान्डका क्याप्टेन समेत रहेका स्ट्राइकर ह्यारी केन समुह चरण् सकिंदासम्म ५ गोल सहित् गोल्डेन बुटका प्रमुख दाबेदार रहेका छन् ।  

कस्ले जित्ला
इङ्ल्यान्डले कोलम्बिया सँग खेलेको ५ खेलमा ३ खेल जितेको छ भने २ खेल ड्र भएको छ । बेट्फेयरको अड्स अनुसार इङ्ल्यान्डले २-१ ले जित्ने सम्भाब्यता देखिन्छ ।

Comments

Popular posts from this blog

पर्यटक हैन यात्री

डिसेम्बर ३१ मा मेरो नाममा अमेरिकाबाट एउटा पार्सल् आयो । नयाँ बर्षको शुभकामनास्वरुप उस्ले मिठाई पठाएकी रहिछे । यस्पाली ऊ फिजिमा छे । मिठाई चपाँउदा चपाँउदै उसङ्गको भेटघाट ताजा भएर आँउछ । कहिलेकाँही आफ्नो पर्यावरण र संस्कृतिभन्दा फरकको नयाँ साथी बनाँउदा जीवनलाई अर्कै कोणबाट चिहाँउने अभुतपूर्व अवसर पाँइन्छ । यो नियात्रा संस्मरणमा म एउटा यस्तै बेग्लै परिवेश र कथा बोकेकी बिल्कुल नौलो साथीले मेरोलागि ओझेलमा रहेका बिषयलाई कसरी प्रकाश छरिदिई भन्नेबारे प्रसंगसहित चर्चा गर्नेछु । केही बर्षअघि मनास्लु क्षेत्रको पैदलयात्रा (ट्रेकिङ) जाँदा उसंग भेट्ने  संयोग मिल्यो । बनाँउछु भनेर बनाएको साथीभन्दा घटना र ब्यथाको संयोगले बनेका साथी बढी घनिष्ठ हुन्छन् । नयाँ बर्षको समय थियो । चिसो मौसममा जिन्दगीको गियर बदल्न हामी पहाडतिर उकालो लागेका थियौँ ।  “मलाई भिडहरुबाट टाढा जानु थियो । जब मान्छे एउटै काममा लामो समय लीन हुन्छ, उस्को दिमाग बोधो हुन्छ । तर यो सब किन हुन्छ होला?” प्रश्नको वाँण मतिर सोझियो । “एकनासे काम त मेसिनले गर्छ, मान्छे मेसिनभन्दा फरक छ” मैले भने । हो म मेसिनबाट मान्छे हुन नेपाल आएको । यो ठाँउको

डेरा जिन्दगी

बिशाल भुमन्डलमा नश्वर जिन्दगी असंख्य डेराहरु सरिरहने आस्थाई डेरावाल हो । जिन्दगीले कहिले मेचीबाट महाकाली डेरा सार्छ, कहिले त्यहाँबाट काठमाडौं । कहिले कोटेश्वर, कहिले इन्डिया त कहिले दक्षिण अमेरिका । डेरा सर्दासर्दै जिन्दगीले यो भुल्दछ कि यो जगत नै उस्का शरीरका लागि एउटा अघोषित डेरा थियो, कि यो पृथ्वी सकल प्राणीहरुको अनन्तकालसम्मको आस्थाई थलो हो । क्षण, दिन, सप्ताह, महिना र वर्षहरु बिस्तारै बित्दै जाँदा दशक तथा सिल्भर, गोल्डेन र डायमण्ड् जुबिली हुत्तिएर मृत्यु आफुलाई स्पर्श गर्न आईपुगेको कसैलाई थाहै हुँदैन । दिनानुदिनको परिवर्तन नगन्य लागेता पनि डायमण्ड् जुबिलीमा पदार्पण गर्दा आफुले भोगेका र देख्दै आएका परिवर्तनहरु एकाकार गर्ने हो भने आफु बेग्लै ग्रहमा उभिएको जस्तो महशुस हुन सक्छ । १० बर्षको छँदा जुन मेरो डेरा थियो, अहिले दुई दशकको अन्तरालपछि एकै पटक दर्शन गर्ने हो भने बिल्कुल नौलो भैसक्यो । अब यहि डेरा आगामी असी बर्षमा कस्तो होला? थप असी बर्षमा कस्को होला?

काठमाडौं र जिन्दगी

महिनाको अन्तिम दिन घरबेटिको खोकी सुनेर तर्सिन्छौ हामी, अनि महिनाको अन्तिम हप्ता पैसा सापटी लिएको हितेशीसँग तर्किन्छौ ।